លោក ស ខេង៖ សង្គមមួយដែលបែកបាក់ គឺមកពីភាពអយុត្តិធម៌
នៅក្នុងពិធីអបអរខួបលើកទី៤១ ទិវាជ័យជម្នះ ៧មករា នាព្រឹកថ្ងៃព្រហស្បតិ៍នេះ នៅខេត្តបាត់ដំបង លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បានលើកឡើងពីការបង្កើនថវិកាឲ្យឃុំ សង្កាត់ ចាប់ពីឆ្នាំ២០២០នេះទៅ ដោយថវិកាអភិវឌ្ឍ បានកើនទ្វេរដង គឺ៧ម៉ឺនដុល្លារ ខណៈឆ្នាំ២០១៩ ថវិកាឃុំ សង្កាត់មានត្រឹម ៣,៥ម៉ឺនដុល្លារ ប៉ុណ្ណោះ។ តាមលោក ស ខេង បូករួមទាំងថវិការដ្ឋបាល ថវិកាទំលាក់ឲ្យ ឃុំ សង្កាត់ បានកើនដល់១២ម៉ឺនដុល្លារ នៅឆ្នាំ២០២០នេះ ខណៈចាប់ពីឆ្នាំ២០២១ ដល់២០២៣ ថវិកាសម្រាប់ ឃុំ សង្កាត់ នេះ នឹងកើនឡើងជាបន្តបន្ទាប់។ ជាមួយគ្នានេះ លោកឧបនាយករដ្ឋមន្ត្រី ស ខេង បានលើកឡើងពីកំណែទម្រង់ប្រព័ន្ធយុត្តិធម៌ ដោយលោកលើកឡើងថា សង្គមមួយ ដែលបែកបាក់គឺបណ្តាលមកពីភាពអយុត្តិធម៌ ហេតុដូច្នេះរដ្ឋាភិបាលបានបង្កើតក្រុមការងារដោះស្រាយវិវាទក្រៅប្រព័ន្ធតុលាការ ហើយផ្តើមដំណើរការចាប់ពីឆ្នាំ២០២០នេះតទៅ។
ចុះផ្សាយនៅថ្ងៃ៖
សូមស្តាប់ប្រសាសន៍ លោក សខេង៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ