អ្នកតាមដាននយោបាយ៖ «លោក សម រង្ស៊ី មកឬមិនមក នៅជាសារនយោបាយនៅឡើយ»
ចុះផ្សាយនៅថ្ងៃ៖
ស្តាប់ - ០៩:០៧
លោកសម រង្ស៊ី ប្រធានគណបក្សសង្គ្រោះជាតិ កាលពីថ្ងៃពុធសប្តាហ៍មុន បានអះអាងតាមរយៈបណ្តាញសង្គមហ្វេសប៊ុករបស់លោកថា លោកនឹងវិលត្រឡប់ចូលមកប្រទេសកម្ពុជាក្នុងពេលឆាប់ៗនេះ ដើម្បីចូលពន្ធនាគារជាថ្នូរឲ្យមានការដោះលែងមន្ត្រី និងសកម្មជនគណបក្សរបស់លោក រួមទាំងអង្គការសង្គមស៊ីវិលផងដែរ ដែលកំពុងជាប់នៅក្នុងពន្ធនាគារ។ ក៏ប៉ុន្តែរដ្ឋាភិបាលកាលពីចុងសប្តាហ៍មុនដែរ ក៏បានប្រកាសឲ្យសមត្ថកិច្ចធ្វើការរារាំងគ្រប់លទ្ធភាព ដំណើរវិលត្រឡប់របស់មេបក្សប្រឆាំង ដែលមានទោស និងនិរទ្ទេសខ្លួននៅបរទេសមកកាន់ប្រទេសកម្ពុជា។ តែទាំងលោកសម រង្ស៊ី និងគណបក្សបានប្រកាន់ជំហរមិនផ្លាស់ប្តូរ។