លោក រ៉ាត់ រត្នមុនី បានដាក់ពាក្យប្តឹងទៅតុលាការកំពូលប្រឆាំងនឹងការសម្រេចរបស់តុលាការក្រុងភ្នំពេញ
អតីតអ្នកបកប្រែឱ្យស្ថានីយ៍ទូរទស្សន៍រុស្សី RT(Russian Today) លោក រ៉ាត់ រត្នមុនី តាមរយៈមេធាវីនៅព្រឹកថ្ងៃអង្គារនេះ បានដាក់ពាក្យប្តឹងទៅកាន់តុលាការកំពូល ដើម្បីទាមទារឱ្យតុលាការទម្លាក់ចោលការចោទប្រកាន់ទាំងស្រុងប្រឆាំងនិងរូបលោក។ នេះបើតាមអ្នកស្រីឡុង គឹមហ៊ាង ភរិយារបស់លោករ៉ាត់ រត្នមុនី ដែលបានបញ្ជាក់ប្រាប់វិទ្យុបារាំងអន្តរជាតិនៅព្រឹកនេះ។ សម្រាប់ការតស៊ូក្តីនៅតុលាការកំពូលនេះ អ្នកស្រីឡុង គឹមហ៊ាង នៅតែមានការជឿជាក់ថា តុលាការកំពូលកម្ពុជានឹងផ្តល់យុត្តិធម៌ដល់ស្វាមីរបស់លោកស្រីជាក់ជាមិនខាន។
ចុះផ្សាយនៅថ្ងៃ៖
សូមស្ដាប់ប្រសាសន៍របស់ អ្នកស្រី ឡុង គីមហ៊ាង៖
សូមបញ្ជាក់ថា សាលាដំបូងរាជធានីភ្នំពេញបានកាត់ទោសលោករ៉ាត់ រត្នមុនី ឱ្យជាប់ពន្ធនាគាររយៈពេល២ឆ្នាំពីបទ ញុះញង់ឲ្យមានការរើសអើង។ ការចោទប្រកាន់នេះ ធ្វើឡើងបន្ទាប់ពីរូបលោកបានធ្វើការជាមួយកាសែតអន្តរជាតិមួយក្រុមមកពីប្រទេសរុស្សី ដើម្បីផលិតភាពយន្តឯកសារមួយមានចំណងជើងថា My Mother Sold Me ដែលបានលាតត្រដាងពីភាពក្រីក្រ និងការជួញដូរផ្លូវភេទនៅក្នុងប្រទេសកម្ពុជា។ គិតមកដល់ពេលនេះ លោក រ៉ាត់ រត្នមុនី ត្រូវបានជាប់ឃុំឃាំងនៅក្នុងពន្ធនាគារព្រៃសរអស់រយៈពេលប្រមាណ១ឆ្នាំមកហើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ