បទយកការណ៍
សមាគមល្ខោនស្បែកធំមួយ ជិតបិទទ្វារ ហើយប្រធានសមាគម ត្រៀមទៅរត់ម៉ូតូឌុប!
ចុះផ្សាយនៅថ្ងៃ៖
ស្តាប់ - ០៧:៥២
ល្ខោនស្រមោលស្បែកធំ ជាទម្រង់ល្ខោនចំណាស់មួយរបស់ខ្មែរ ហើយត្រូវបាន អង្គការយូណេស្កូ ចុះក្នុងបញ្ជីជា«សម្បត្តិបេតិកភណ្ឌវប្បធម៌អរូបីរបស់មនុស្សជាតិ»។ នៅលើឆាកអន្តរជាតិ ជនបរទេសទទួលស្គាល់និងកោតសរសើរទម្រង់ល្ខោននេះណាស់។ ប៉ុន្តែនៅក្នុងស្រុកខ្មែរវិញ សមាគមល្ខោនស្បែកធំមួយ ក្នុងចំណោមសមាគមល្ខោនដ៏តិចតួច ជិតបិទទ្វារដោយសារជួបវិបត្តិថវិកា ហើយប្រធានសមាគម ត្រៀមចិត្តទៅរត់ម៉ូតូឌុប។ នោះគឺ លោក ម៉ាន់ កុសល ដែលជាសិល្បៈជើងចាស់ម្នាក់។ គាត់បានលះបង់ច្រើនសម្រាប់សិល្បៈមួយនេះ តែសព្វថ្ងៃគាត់កំពុងបាក់ទឹកចិត្ត និងអស់សង្ឃឹមខ្លាំង។