លោកស្រី ពុង ឈីវហ្កេច៖ ការទទួលបានគ្រឿងឥស្សរិយយសពីបារាំង គឺជាកិត្តិយសធំបំផុត
ចុះផ្សាយនៅថ្ងៃ៖
ស្តាប់ - ១៧:០៤
ភ្ញៀវរបស់វិទ្យុបារាំងអន្តរជាតិRFI នៅរាត្រីថ្ងៃពុធនេះ គឺលោកស្រីពុង ឈីវហ្គេច ប្រធានអង្គការការពារសិទ្ធិមនុស្សលីកាដូ។ ក្រៅពីបំពេញតួនាទីជាប្រធានអង្គការការពារសិទ្ធិមនុស្សលីកាដូនៅក្នុងប្រទេសកម្ពុជា លោកស្រីពុង ឈីវហ្គេច បានដើរតួយ៉ាងសំខាន់ក្នុងការចូលរួមរៀបចំឲ្យមានសន្តិភាពនៅក្នុងប្រទេសកម្ពុជា។ លោកស្រី ពុង ឈីវហ្គេច និងក្រុមគ្រួសារ បានធ្វើការយ៉ាងសកម្មកាលពីទសវត្សឆ្នាំ៨០ និង៩០ ដោយជួយរៀបចំឲ្យមានជំនួបចរចារវាងលោកនាយករដ្ឋមន្ត្រី ហ៊ុន សែន និងអតីតព្រះមហាក្សត្រខ្មែរ គឺព្រះករុណាសម្តេចព្រះនរោត្តមសីហនុនៅប្រទេសបារាំង។ យោងតាមការងារកសាងសន្តិភាព និងការការពារសិទ្ធិមនុស្សនៅក្នុងប្រទេសកម្ពុជាផងនោះ លោកស្រី ពុង ឈីវហ្គេច ត្រូវបានរដ្ឋាភិបាលបារាំង សម្រេចប្រគល់មេដាយកិត្តិយសថ្នាក់អស្សឬទ្ធិ (ឡាឡេស្យុង ដោនន័រ) ដែលនឹងប្រព្រឹត្តទៅនៅថ្ងៃព្រហស្បតិ៍នេះ។ លោកស្រីវេជ្ជបណ្ឌិត ពុង ឈីវហ្គេច បានប្រាប់វិទ្យុបារាំងថា ការទទួលបានគ្រឿងឥស្សរិយយសពីបារាំងនៅពេលនេះ គឺជាកិត្តិយសធំបំផុតសម្រាប់លោកស្រី គ្រួសារ បុគ្គលិកអង្គការលីកាដូ និងប្រជាពលរដ្ឋខ្មែរផងដែរ។ សូមស្តាប់បទសម្ភាសន៍របស់វ៉ា សំណព្វ ជាមួយលោកស្រីវេជ្ជបណ្ឌិត ពុង ឈីវហ្កេច៖