ព្រឹត្តិការណ៍កម្ពុជាប្រចាំថ្ងៃ
ចរន្តនៃការចាកចេញពីគណបក្សមួយទៅកាន់គណបក្សមួយ ចាប់ផ្តើមកំរើកឡើងវិញ
ចុះផ្សាយនៅថ្ងៃ៖
ស្តាប់ - ០៨:១៣
ថ្មីៗនេះ លោក ជា ចំរើន សមាជិកជាន់ខ្ពស់គណបក្សប្រជាជនកម្ពុជា បានសម្រេចចិត្តចាកចេញពីគណបក្សកាន់អំណាចដ៏គួរឲ្យភ្ញាក់ផ្អើល ដោយបានចេញទៅបង្កើតគណបក្សថ្មីមួយទៀត។ ប៉ុន្មានថ្ងៃក្រោយមក សមាជិកថ្នាក់កណ្តាលរបស់គណបក្សប្រឆាំងម្នាក់ ក៏បានចាកចេញពីគណបក្សប្រឆាំងដ៏ធំនៅកម្ពុជា ទៅចូលរួមជាមួយនឹងគណបក្សសំបុកឃ្មុំសង្គមប្រជាធិបតេយ្យរបស់លោក ម៉ម សូណង់ដូ ផងដែរ។ ក្រុមអ្នកវិភាគបានមើលឃើញថា ចរន្តនៃការចាកចេញពីគណបក្សមួយទៅកាន់គណបក្សមួយបានចាប់ផ្តើមកំរើកឡើងវិញ នៅមុនពេលការបោះឆ្នោតមកដល់។ យ៉ាងណាក៏ដោយ តើចរន្តនេះ នឹងស្ងប់ស្ងាត់ទៅវិញនៅពេលណា?
