ការដៅអត្តសញ្ញាណអ្នកចុះឈ្មោះបោះឆ្នោតមិនមែនជាបញ្ហាធំសម្រាប់បញ្ជីបោះឆ្នោតថ្មី
ចុះផ្សាយនៅថ្ងៃ៖
ស្តាប់ - ០៩:៥៩
ក្រៅពីមានការព្រមព្រៀងគ្នាជាបន្តបន្ទាប់លើចំណុចដែលគណបក្សនយោបាយជាប់ឆ្នោតទាំងពីរ បានយកមកជជែកគ្នា បញ្ហាដៅអត្តសញ្ញាណដើម្បីធ្វើបញ្ជីឈ្មោះអ្នកបោះឆ្នោតថ្មី នៅមិនទាន់មានការសម្រេចចុងក្រោយយ៉ាងណានៅឡើយទេ។ សម្រាប់គណបក្សប្រជាជន បានហៅបញ្ហានេះថា មិនមានភាពចម្រូងចម្រាស់ខ្លាំងនោះទេ ដោយគណបក្សកាន់អំណាចនេះ ចង់ឲ្យសិទ្ធិទៅគណៈកម្មាធិការជាតិរៀបចំការបោះឆ្នោត (គ.ជ.ប)។ ជាមួយគ្នានេះ គណបក្សសង្គ្រោះជាតិ ចង់បានចំណុចនោះ បញ្ចូលទៅក្នុងច្បាប់ ស្តីពី ការបោះឆ្នោតជ្រើសតាំងតំណាងរាស្ត្រ ដែលក្រុមការងារចរចាគណបក្សទាំងពីរ កំពុងធ្វើវិសោធនកម្មកែប្រែ។