ព្រឹត្តិការណ៍កម្ពុជាប្រចាំថ្ងៃ
គ.ជ.ប.ថ្មី៖ សមិទ្ធិផលនៃកំណែទម្រង់លើកំណែទម្រង់ជាប្រចាំ
ចុះផ្សាយនៅថ្ងៃ៖
ស្តាប់ - ១១:៤៥
ម្សិលមិញ ព្រះរាជតំណាងព្រះមហាក្សត្រកម្ពុជាបានថ្លែងសរសើរស្នាដៃរបស់សមាជិកចាស់នៃគណៈកម្មាធិការជាតិរៀបចំការបោះឆ្នោត ដែលត្រូវផ្ទេរតំណែងឱ្យសមាជិកថ្មី បន្ទាប់ពីការកែទម្រង់ដ៏ធំមួយ។ ជាមួយនឹងការកែក្របខ័ណ្ឌច្បាប់ផង នេះជាការសើរើសមាសភាពគ.ជ.ប.លើកទី៤ហើយ។ សមាជិកថ្មីម្នាក់នៃស្ថាប័ននេះយល់ថា វាជាលទ្ធផលនៃការនិយមកែច្បាប់ជាងគោរពច្បាប់ ខណៈដែលប្រធានថ្មីនៃគ.ជ.ប.បានប្តេជ្ញាដឹកនាំស្ថាប័ននេះឱ្យ«ស្របតាមច្បាប់ បទបញ្ជា និងនីតិវិធីនៃការបោះឆ្នោត» ទៅតាមទម្លាប់ក្នុងពិធីផ្ទេរតំណែង។ ពរជ័យពីព្រះបាទ នរោត្តម សីហមុនី ត្រូវបានបន្លឺឡើងពេលនោះ។