សង្គមស៊ីវិលយល់ថាក្រុមហ៊ុន គួរផ្តល់សម្បទានឲ្យមេដឹកនាំសហជីពចូលធ្វើការវិញ ដើម្បីបញ្ចប់ការតវ៉ា
សម្រែកហ៊ោកញ្ជៀវ អមដោយបទចម្រៀង លាយឡំជាមួយនឹងការគោះធុង លើកបដានានា ព្រមទាំងបង្កប់ផងដែរ ពាក្យអរគុណសន្តិភាព។ នេះជាសកម្មភាពបន្តធ្វើកូដកម្មថ្ងៃទី២ របស់បុគ្គលិកកាស៊ីណូណាហ្គាវើល ដែលមានអ្នកចូលរួមកាន់តែច្រើន នៅព្រឹកថ្ងៃសុក្រនេះ ដើម្បីទាមទារឲ្យថៅកែក្រុមហ៊ុនកាស៊ីណូណាហ្គាវើល នៅចំកណ្តាលទីក្រុងភ្នំពេញមួយនេះ តម្លើងប្រាក់ខែដល់ពួកគេ និងទាមទារឲ្យក្រុមហ៊ុនកាស៊ីណូដ៏ធំមួយនេះ ទទួលយកប្រធានសហជីពរបស់ខ្លួនម្នាក់ ឲ្យចូលធ្វើការវិញ។ លោក ឃុន ថារ៉ូ អ្នកគ្រប់គ្រងកម្មវិធីការងារនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស(Central) ដែលតាមឃ្លាំមើលសកម្មភាពកូដកម្មនេះ ថ្លែងថា ការតវ៉ារយៈពេល២ថ្ងៃមកនេះ របស់បុគ្គលិកកាស៊ីណូណាហ្គាវើលគឺប្រព្រឹត្តទៅដោយ អហិង្សា។ លោក ថារ៉ូ យល់ថា ការតវ៉ានេះ នឹងត្រូវបញ្ចប់ប្រសិនបើភាគីណាហ្គាវើល ធ្វើសម្បទានដល់អ្នកតវ៉ា ដោយគ្រាន់តែអនុញ្ញាតឲ្យមេដឹកនាំសហជីព ដែលក្រុមហ៊ុនបញ្ឈប់ពីការងារ បានចូលធ្វើការវិញ។
ចុះផ្សាយនៅថ្ងៃ៖
សូមស្ដាប់ប្រសាសន៍របស់ លោក ឃុន ថារ៉ូ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ