ក្រុមអង្គការសង្គមស៊ីវិល៖ ការប៉ះពាល់ឆ្លងដែននឹងកើតមានជុំវិញការសង់គម្រោងទំនប់ហ្លួងព្រះបាងនៅចុងឆ្នាំ២០២០នេះ
ក្រុមអង្គការសង្គមស៊ីវិល បណ្តាញសម្ព័ន្ធទន្លេកម្ពុជាបានសម្តែងការព្រួយបារម្ភ ចំពោះផែនការសាងសង់គម្រោងទំនប់ហ្លួងព្រះបាងនៅចុងឆ្នាំ ២០២០នេះថាអាចនឹងមានផលប៉ះពាល់ឆ្លងដែន មកលើប្រទេសដែលនៅខាងក្រោមប្រទេសឡាវ ដោយសារប្រទេសទាំងនោះប្រើប្រាស់ទឹកទន្លេមេគង្គរួមតែមួយ។ បន្ថែមពីនេះ ចំពោះផែនការសាងសង់គម្រោងទំនប់ហ្លួងព្រះបាងនៅចុងឆ្នាំ ២០២០នេះ នឹងមិនផ្តល់ពេលគ្រប់គ្រាន់ដើម្បីសិក្សាបន្ថែមទៅលើសំណើររបស់អ្នកពាក់ព័ន្ធ មុនចាប់ផ្តើមសាងសង់ទំនប់វារីអគ្គិសនីនោះទេ។ ដូច្នេះក្រុមអង្គការសង្គមស៊ីវិល ក៏ទទូចឲ្យរដ្ឋាភិបាលឡាវ ដែលជាម្ចាស់គម្រោង និងគណៈកម្មការទន្លេមេគង្គ ត្រូវផ្តល់ដំណោះស្រាយចំពោះបញ្ហាឆ្លងដែននេះ ដើម្បីធានាការប្រើប្រាស់ទន្លេមេគង្គឲ្យមានសមភាព។
ចុះផ្សាយនៅថ្ងៃ៖ កែប្រែថ្ងៃទី៖
សូមស្ដាប់ប្រសាសន៍ លោក ម៉ក់ ប៊ុនធឿន អ្នកសម្របសម្រួលបណ្តាញសម្ព័ន្ធទន្លេកម្ពុជា៖
គួរជម្រាបជូនថា ការសិក្សា និងក្តីបារម្ភទាំងនេះក៏ត្រូវបានលើកឡើងនៅក្នុងកិច្ចប្រជុំលើកទី៩ របស់ក្រុមការងារថ្នាក់តំបន់ នៅក្នុងវេទិការយៈពេល ២ ផ្តើមពីថ្ងៃទី៥ -៦កុម្ភៈ នៅខេត្តហ្លួងព្រះបាង ប្រទេសឡាវផងដែរ។ កិច្ចប្រជុំនេះរៀបចំឡើងដោយគណៈកម្មការទន្លេមេគង្គមានអ្នកចូលរួមជិត ២០០ នាក់ តំណាងឱ្យអង្កការសង្គមស៊ីវិល ដៃគូអភិវឌ្ឍន៍ និងក្រុមការងារថ្នាក់តំបន់មកពីប្រទេសកម្ពុជា វៀតណាម ថៃនិងឡាវ។
គួរបញ្ជាក់ផងដែរ គម្រោងទំនប់ហ្លួងព្រះបាង ត្រូវសង់លើដងទន្លេមេ នៃទន្លេមេគង្គក្នុងប្រទេសឡាវ ស្ថិតនៅចម្ងាយប្រមាណ១៣៧២គីឡូម៉ែត្រពីព្រំប្រទល់ប្រទេសកម្ពុជា-ឡាវ។ ការសាងសង់ទំនប់ហ្លួងព្រះបាង ត្រូវបានរំពឹងថានឹងចាប់ផ្ដើមនៅចុងឆ្នាំ២០២០នេះ ដោយគ្រោងនឹងបញ្ចប់នៅក្នុងឆ្នាំ២០២៧។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ