លោក ឡុង ឌីម៉ង់៖«តាមកិច្ចសន្យាការងារទី១ ហាមធ្វើនយោបាយ ទី២ ហាមធ្វើអ្វីប៉ះពាល់ដល់កេរ្តិ៍ឈ្មោះរដ្ឋាភិបាល»
ចុះផ្សាយនៅថ្ងៃ៖
ស្តាប់ - ១១:៣៦
នៅសប្តាហ៍ក្រោយលោកឡុង ឌីម៉ង់ អតីតអ្នកនាំពាក្យសាលារាជធានីភ្នំពេញ នឹងទៅបំពេញការងារថ្មីជាឯកអគ្គរាជទូតកម្ពុជាប្រចាំនៅប្រទេសកូរ៉េខាងត្បូង។ ដំណើរទៅកាន់ការងារថ្មីរបស់លោកឡុង ឌីម៉ង់ ជាមន្ត្រីការទូតនៅពេលនេះ បានធ្វើឡើងបន្ទាប់ពីអតីតឯកអគ្គរាជទូតចាស់លោក ស៊ុត ឌីណា បានរងនូវការចោទប្រកាន់ពីការប្រព្រឹត្តិអំពើពុករលួយនិងកំពុងប្រឈមមុខចំណាត់ការផ្លូវច្បាប់។ សម្រាប់លោកឡុង ឌីម៉ង់ កិច្ចការជាអត្ថិភាពរបស់លោកគឺពង្រឹងកិច្ចសហប្រតិបត្តិការរវាងកម្ពុជា-កូរ៉េខាងត្បូង។ ពិនិត្យមើលបញ្ហារដ្ឋបាល ផ្តល់សេវាសាធារណៈឲ្យល្អ កៀងគរវិនិយោគិនបរទេសនិងកូរ៉េ រំលឹកនិងសម្រួលការងារដល់ពលករខ្មែរ។