សង្គមស៊ីវិល ស្នើទៅប្រធានរដ្ឋសភាសុំមើលសេចក្តីព្រាងច្បាប់ស្តីពីរបបសន្តិសុខសង្គម និងទាមទារឲ្យមានការពិគ្រោះយោបល់ពេញលេញ
ក្រុមអង្គការសង្គមស៊ីវិល និងតំណាងសហព័ន្ធសហជីពចំនួន១១ កាលពីថ្ងៃចន្ទម្សិលមិញ បានផ្ញើលិខិតមួយច្បាប់ទៅកាន់លោក ហេង សំរិន ប្រធានរដ្ឋសភាជាតិ ដើម្បីស្នើសុំអត្ថបទសេចក្តីព្រាងច្បាប់ស្តីពីរបបសន្តិសុខសង្គម និងសុំឲ្យមានការពិគ្រោះយោបល់ពេញលេញជាមួយអ្នកពាក់ព័ន្ធគ្រប់វិស័យ។ ការស្នើរបស់ក្រុមអង្គការសង្គមស៊ីវិល និងសហជីពដូច្នេះ ធ្វើឡើងបន្ទាប់ពីសេចក្តីព្រាងច្បាប់នេះ បានទៅដល់ដៃរដ្ឋសភាកាលពីពេលថ្មីៗនេះ ក្រោយពីគណៈរដ្ឋមន្ត្រីកម្ពុជា បានអនុម័តកាលពីកិច្ចប្រជុំគណៈរដ្ឋមន្ត្រីកាលពីថ្ងៃទី២ខែសីហាកន្លងទៅ។ លោក គង់ អាទិត្យ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (ស៊ីខៅឌូ) ថ្លែងថាក្រុមអ្នកសហជីព និងសង្គមស៊ីវិល ពិតជាចង់ដឹងចង់ឃើញខ្លឹមសារ ដែលបានកែប្រែ នៅក្នុងសេចក្តីព្រាងច្បាប់នេះ ខណៈអត្ថបទនេះ បានឆ្លងកាត់ពីដំណាក់កាលមួយទៅដំណាក់កាលមួយ។
ចុះផ្សាយនៅថ្ងៃ៖
សូមស្តាប់ប្រសាសន៍របស់លោក គង់ អាទិត្យ ដែលរៀបចំដោយ ញឺម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ