លោក ឆាំង យុ៖ ពានរង្វាន់ Ramon Magsaysay គឺជាសាក្សីថា យុត្តិធម៌ និងប្រវត្តិសាស្ត្រនៅតែមានជីវិត
ចុះផ្សាយនៅថ្ងៃ៖
ស្តាប់ - ១២:៣៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ឆាំង យុ នាយកមជ្ឈមណ្ឌលឯកសារកម្ពុជា DC-Cam។ លោក ឆាំង យុ អាយុ ៥៧ឆ្នាំ គឺជាជនរងគ្រោះមួយរូបនៅក្នុងរបបខ្មែរក្រហម ដែលបានភៀសខ្លួនទៅកាន់សហរដ្ឋអាមេរិក និងបានវិលត្រឡប់មកប្រទេសកម្ពុជាវិញ នៅដើមទសវត្សរ៍ ១៩៩០ ហើយបានដឹកនាំមជ្ឈមណ្ឌលឯកសារកម្ពុជា ចាប់តាំងពីឆ្នាំ១៩៩៥មក។ ថ្មីៗនេះ លោក គឺជាមនុស្សដ៏អស្ចារ្យម្នាក់ ក្នុងចំណោម៦នាក់មកពីតំបន់អាស៊ី ដែលទទួលបានពានរង្វាន់ណូបែលអាស៊ី ឆ្នាំ២០១៨ ឬ ពានរង្វាន់ រ៉ាម៉ុន ម៉ាក្សសេយ៍សេយ៍ ឆ្នាំ២០១៨ ពី Ramon Magsaysay award Foundation នៃប្រទេសហ្វីលីពីន។ សម្រាប់លោក ឆាំង យុ ការទទួលបានពានរង្វាន់ដែលបង្កើតឡើងនៅឆ្នាំ១៩៥៧ យកតាមឈ្មោះអតីតប្រធានាធិបតីហ្វីលីពីននេះ គឺជាសាក្សីថ្មីដែលថា យុត្តិធម៌ និងប្រវត្តិសាស្ត្រនៅតែមានជីវិត។