លោក ហ៊ុន សែន បង្ហាញអារម្មណ៍ធម្មតារឿងបង់ពន្ធអង្ករកម្ពុជា និងទំនិញផ្សេងទៀតនាំចូលទៅអឺរ៉ុប នៅពេលអស់ EBA
នៅក្នុងពិធីសម្ពោធ អគារអន្ទ្រទេវី របស់រាជបណ្ឌិតសភា នាព្រឹកថ្ងៃព្រហស្បតិ៍នេះ លោកនាយករដ្ឋមន្ត្រី ហ៊ុន សែន បានរំលឹកឲ្យមានការណែនាំដល់សភាពាណិជ្ជកម្មកម្ពុជាឲ្យសម្លឹងមើលទីផ្សារអង្ករបន្ថែមទៀត ខណៈលោកបានណែនាំនៅក្នុងជំនួបមួយកាលពីពេលថ្មីៗនេះទៅកាន់អនុប្រធានាធិបតីប្រទេសប៉ាឡាវ ឲ្យប្រទេសនេះ ទិញអង្ករពីកម្ពុជា ជាជាងទិញពីអាមរិក ដែលមានតម្លៃថ្លៃ និងចំងាយផ្លូវដឹកជញ្ជូនឆ្ងាយ។ ជុំវិញបញ្ហាអង្កនេះដែរ លោកនាយករដ្ឋមន្ត្រី ក៏បានថ្លែងជាថ្មីម្តងទៀតដោយមិនមានការព្រួយបារម្ភថា អង្ករកម្ពុជានៅតែអាចឈានជើងចូលសហភាពអឺរ៉ុបចំនួន២៣ប្រទេសដដែលដូចកាលពីមុន ក្នុងចំណោម២៨ប្រទេស។ និយាយដល់ភាពអនុគ្រោះពន្ធពីសហភាពអឺរ៉ុប(EBA)ដល់កម្ពុជា លោក ហ៊ុន សែន នៅតែអះអាងបែបធម្មតាថា ការបាត់ទីផ្សារនិងបាត់EBA មានលក្ខណៈខុសគ្នា តែលោកថាកម្ពុជាចៀសបង់ពន្ធមិនរួចទេ នៅឆ្នាំ២០២៥ ឬ២០២៦ ខាងមុខ នៅពេលសេដ្ឋកិច្ចកម្ពុជាមានការរីកចំរើន នោះនឹងអស់EBA។
ចុះផ្សាយនៅថ្ងៃ៖
សូមស្តាប់ប្រសាសន៍លោក ហ៊ុន សែន រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ