ខេត្តស្ទឹងត្រែង៖ ទឹកជំនន់កើនហួសកម្រិតប្រកាសអាសន្ន ហើយប៉ះពាល់ជិត៥ពាន់គ្រួសារ
លោក ម៉ែន គង់ អ្នកនាំពាក្យនៃសាលាខេត្តស្ទឹងត្រែង បានប្រាប់វិទ្យុបារាំងអន្តរជាតិនៅព្រឹកថ្ងៃនេះថា កម្ពស់ទឹកទន្លេមេគង្គនៅខេត្តស្ទឹងត្រែង បានកើនឡើងរហូតដល់ទៅ១២ម៉ែត្រ ដែលជាកម្រិតលើសកម្ពស់ទឹកប្រកាសអាសន្នជាង២ម៉ែត្រទៅហើយ។ មកទល់ពេលនេះ ប្រជាពលរដ្ឋជិត៥ពាន់គ្រួសារ ស្ថិតក្នុងសង្កាត់ចំនួន២៧ ក្នុងចំណោម៣៤សង្កាត់ ត្រូវរងផលប៉ះពាល់ដោយសារតែគ្រោះទឹកជំនន់នេះ។ ជាការកត់សម្គាល់ ដើម្បីឆ្លើយតបនឹងស្ថានភាពនេះ អាជ្ញាធរខេត្តបានបញ្ចេញកម្លាំងចុះជួយសង្គ្រោះប្រជាពលរដ្ឋដែលរងផលប៉ះពាល់។ បើតាមលោក ម៉ែន គង់ មកទល់ពេលនេះ អាជ្ញាធរបានជម្លៀសពលរដ្ឋជាង១ពាន់គ្រួសារ ទៅកាន់ទីទួលសុវត្ថិភាពហើយ។គួររំឭកផងថា ទឹកជំនន់បានប៉ះពាល់មិនមែនតែខេត្តស្ទឹងត្រែងមួយនោះទេ តែប៉ះពាល់ដល់ខេត្តនានាទៀតផងដែរ រួមមាន ខេត្តក្រចេះ ខេត្តត្បូងឃ្មុំ និងខេត្តព្រះវិហារជាដើម។
ចុះផ្សាយនៅថ្ងៃ៖
សូមស្ដាប់ប្រសាសន៍ លោក ម៉ែន គង់ ដែលរៀបចំឡើងដោយ ងួន វឌ្ឍនៈបណ្ឌិត៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ