បន្ទាប់ពីមានលទ្ធផលល្អប្រសើរនៅជុំទី១ ការចរចាពាណិជ្ជកម្មសេរី កម្ពុជា-ចិន នឹងធ្វើឡើងជុំទី២នាខែមេសានៅភ្នំពេញ
អ្នកនាំពាក្យក្រសួងពាណិជ្ជកម្ម លោក ស៊ាង ថៃ ថ្លែងថា ទំនិញកម្ពុជាជាពិសេសទំនិញខាងវិស័យកសិកម្ម ដែលកំពុងដំណើរការនាំចេញទៅប្រទេសចិនរយៈពេល១ខែកន្លងទៅនេះ កំពុងមានស្ថានភាពជាប្រក្រតី បើទោះណាជាប្រទេសចិនពេលនេះ បានរងការវាយប្រហារដោយមេរោគផ្លូវដង្ហើមថ្មី កូរ៉ូណាវីរ៉ុស ក៏ដោយ។ ការបញ្ជាក់របស់លោក ស៊ាង ថៃ យ៉ាងដូច្នេះ បានធ្វើឡើង នៅក្នុងសន្និសីទកាសែតមួយ ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាលនាព្រឹកថ្ងៃទី០៦កុម្ភៈនេះ។ ជាមួយគ្នានេះ លោក ស៊ាង ថៃ ក៏បានលើកឡើងដែរពាក់ព័ន្ធទៅនឹងដំណើរការចរចាពាណិជ្ជកម្មសេរីរវាងកម្ពុជា-ចិន មកទល់ពេលនេះមានលក្ខណៈល្អប្រសើរ ហើយការចរចាជុំទី២រវាងចិន-កម្ពុជា នេះ នឹងធ្វើឡើងនៅអំឡុងខែមេសាឆ្នាំ២០២០ នៅប្រទេសកម្ពុជា។
ចុះផ្សាយនៅថ្ងៃ៖
សូមស្តាប់ប្រសាសន៍លោក ស៊ាង ថៃ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ