ទោះបីខៀវ សំផននិងនួន ជា ត្រូវជាប់គុកមួយជីវិត តែជនរងគ្រោះក្នុងរបបខ្មែរក្រហមថាមិនអាចបំភ្លេចរឿងឈឺចាប់
ចុះផ្សាយនៅថ្ងៃ៖
ស្តាប់ - ០៩:២៦
នៅថ្ងៃនេះ លោកនួន ជា អតីតអនុលេខាបក្សកុម្មុយនីស្តកម្ពុជា និងលោកខៀវ សំផន អតីតប្រមុខរដ្ឋនៃរបបកម្ពុជាប្រជាធិបតេយ្យ ត្រូវបានតុលាការកំពូលនៃសាលាក្តីខ្មែរក្រហមសម្រេចឲ្យជាប់ពន្ធនាគារអស់មួយជីវិត នៅក្នុងសំណុំរឿង ០០២វគ្គ១ ស្តីពីឧក្រិដ្ឋកម្មប្រឆាំងនឹងមនុស្សជាតិ។ អ្នកដែលបានរងគ្រោះនៅក្នុងរបបខ្មែរក្រហម និងដែលបានមកចូលរួមស្ដាប់សេចក្តីសម្រេចរបស់តុលាការកំពូលនេះ បានសាទរដោយនិយាយថា ពួកគេសប្បាយចិត្ត ប៉ុន្តែទន្ទឹមគ្នានេះ ពួកគេក៏បានលើកឡើងដែរថា សាលដីកានេះ មិនអាចជម្រះភាពឈឺចាប់ចេញពីចិត្ត លុបបំបាត់ស្នាមអតីតពីខួរក្បាលរបស់ពួកគេបានទេ គឺលុះត្រាតែពួកគេអស់ជីវិតទើបការឈឺចាប់នោះរលាយបាត់ទៅជាមួយដែរ។
