លោកអូស្មានហាស្សាន់៖ ពលរដ្ឋខ្មែរ-អ៊ីស្លាម៦៨៥នាក់រួចផុតពីគ្រោះថ្នាក់ឧបទវហេតុរត់ជាន់គ្នា
ចុះផ្សាយនៅថ្ងៃ៖
ស្តាប់ - ១១:៣៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក អូស្មាន ហាស្សាន់ រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ហើយក៏ជាប្រធានអង្គការមូលនិធិអភិវឌ្ឍន៍មូស្លីមកម្ពុជា។ឆ្លើយតបនឹងសំណួររបស់វិទ្យុបារាំងអន្តរជាតិ RFI ជុំវិញឧបទវហេតុរត់ជាន់គ្នានៅក្នុងប្រទេសអារ៉ាប់ប៊ីសាអូឌីត កាលពីថ្ងៃទី២៤កញ្ញា លោក អូស្មាន ហាស្សាន់ បានបញ្ជាក់ថា ពលរដ្ឋខ្មែរ-អ៊ីស្លាមជាង៦០០នាក់ ដែលចូលរួមនៅក្នុងបុណ្យសាសនាដ៏ធំនេះ មានសុវត្ថិភាពល្អ នឹងត្រៀមវិលត្រលប់មកកាន់ប្រទេសកម្ពុជាវិញនៅចុងខែកញ្ញានេះ។សូមបញ្ជាក់ថា ពលរដ្ឋខ្មែរ-អ៊ីស្លាម៦៨៥នាក់ ស្ថិតក្នុងចំណោមសាសនិកជនអ៊ីស្លាមជិត២លាននាក់ បានចូលរួមនៅក្នុងពិធីបុណ្យ Hajj ឬបុណ្យគប់ដុំថ្ម នៅក្នុងប្រទេសអារ៉ាប់ប៊ីសាអូឌីត ដែលមានឧបទវហេតុរត់ជាន់គ្នា បណ្តាលឲ្យស្លាប់ ៧១៧នាក់ និង៨៦៣នាក់រងរបួស។