លោក ហ៊ុន ម៉ានី៖«ស្មារតី២ធ្នូកាលពី៤០ឆ្នាំមុន គឺជាការលះបង់ភាពកក់ក្តៅខ្លួនឯង ដើម្បីប្រយោជន៍រួម»
ចុះផ្សាយនៅថ្ងៃ៖
ស្តាប់ - ១០:៣៦
ការធ្វើដំណើរតាមរយៈកម្មវិធី «ព្រឹត្តិការណ៍ ៤០គីឡូម៉ែត្រទៅកាន់ប្រវត្តិសាស្ត្រ» ត្រូវបានបញ្ចប់ហើយនៅវេលាព្រឹកថ្ងៃសុក្រនេះ បន្ទាប់ពីចំណាយពេលអស់២ថ្ងៃ នៅលើទឹកដីខេត្តក្រចេះ។ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដែលជាអ្នកដឹកនាំនៅក្នុងការដើររយៈពេល៤០គីឡូម៉ែត្រនេះ បានវាយតម្លៃថា គឺជាការសម្រេចបានជោគជ័យលើសពីការគ្រោងទុក។ តាមលោក ហ៊ុន ម៉ានី កាលពី៤០ឆ្នាំមុន ការបង្កើតរណសិរ្សសាមគ្គីសង្គ្រោះជាតិកម្ពុជា គឺជាការចាំបាច់។ ចាំបាច់ដើម្បីសង្គ្រោះអាយុជីវិតប្រជាជនកម្ពុជា និងផ្តួលរំលំរបបប្រល័យពូជសាសន៍ តាមរយៈការលះបង់ ដោយយកជីវិតជាដើមទុន។