លោក នេត្រ ភក្ត្រា៖ ជោគវាសនារបស់លោក មាស មុត នឹងសម្រេចនៅត្រឹមត្រីមាសទី១ឆ្នាំ២០២០
ចុះផ្សាយនៅថ្ងៃ៖
ស្តាប់ - ១៣:៤៩
អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា បានបើកសវនាការអស់រយៈពេលបីថ្ងៃ គិតត្រឹមថ្ងៃទី២៩ វិច្ឆិកានេះ ដើម្បីស្តាប់នូវអំណះអំណាងដោយផ្ទាល់មាត់របស់ភាគីពាក់ព័ន្ធនានាក្នុងសំណុំរឿង ០០៣ ដែលមានជនត្រូវចោទឈ្មោះ មាស មុត អតីតមេបញ្ជាការកងទ័ពជើងទឹកប្រចាំនៅខេត្តព្រះសីហនុនិងខេត្តកំពត នៅក្នុងសម័យខ្មែរក្រហម។ សវនាការនេះ នឹងកាត់សេចក្តីលើការខ្វែងគំនិតគ្នារវាងសហចៅក្រមស៊ើបអង្កេតជាតិនិងអន្តរជាតិ ថាតើត្រូវបញ្ជូនខ្លួនលោក មាស មុត ទៅកាត់ទោសឬក៏អត់?លោក នេត្រ ភក្ត្រា ប្រធានផ្នែកកិច្ចការសាធារណៈនិងជាអ្នកនាំពាក្យសាលាក្តីខ្មែរក្រហម ដែលជាភ្ញៀវប្រចាំថ្ងៃរបស់យើងនៅរាត្រីនេះ បានអះអាងថា ជោគវាសនារបស់លោក មាស មុត នឹងសម្រេចដោយចៅក្រមអង្គបុរេចំនួន៥រូប នៅត្រឹមត្រីមាសទី១ឆ្នាំ២០២០ខាងមុខនេះ។
