លោក នួន ប៊ុនថុល៖ សក្តានុពលធំបំផុតរបស់ក្រុងកោះរ៉ុង គឺវិស័យទេសចរណ៍
ចុះផ្សាយនៅថ្ងៃ៖
ស្តាប់ - ១១:២៥
ចាប់តាំងពីរដ្ឋាភិបាលប្រកាសបង្កើតក្រុងថ្មីមួយ ដែលផ្តាច់សង្កាត់ចំនួនពីរ ពីខេត្តព្រះសីហនុ គឺក្រុងកោះរ៉ុង ដែនដីកោះនេះ បានអូសទាញប្រជាពលរដ្ឋទៅនៅលើនោះកាន់តែច្រើនទៅៗ។អភិបាលក្រុងកោះរ៉ុង លោក នួន ប៊ុនថុល បានឲ្យដឹងពីដីកោះតាមរយៈខ្សែរទូរស័ព្ទមកថា ហេដ្ឋារចនាសម្ព័ន្ធផ្លូវថ្នល់នៅលើក្រុងកោះរ៉ុងនៅមិនទាន់រៀបចំបានត្រឹមត្រូវនៅឡើយ បន្ទាប់ពីដំណើរការរដ្ឋបាលជាក់លាក់មួយបានរយៈពេល៣ខែមកនេះ។ គឺជាពេលវេលាដ៏ខ្លីមួយ។ ក៏ប៉ុន្តែវិស័យសេដ្ឋកិច្ច និងទេសចរណ៍ កំពុងមានសកម្មភាពកាន់តែផុលផុសឡើង ដោយប្រជាពលរដ្ឋបានប្រែក្លាយមុខរបរនេសាទត្រីរបស់ពួកគាត់ ទៅជាការបំរើដល់សេវាកម្មទេសចរណ៍ ខណៈទេសចរក្នុងស្រុក និងបរទេសចាប់អារម្មណ៍ទៅកំសាន្តនៅទីនោះកាន់តែច្រើនទៅៗ។