ឧត្តមសេនីយ៍ អេង ហ៊ី៖ កងរាជអាវុធហត្ថសុំទោសជាសាធារណៈ ករណីហិង្សាពេលចុះអនុវត្តន៍សាលដីកានៅខេត្តព្រះសីហនុ
ចុះផ្សាយនៅថ្ងៃ៖
ស្តាប់ - ១១:១១
ភ្ញៀវប្រចាំថ្ងៃរបស់វិទ្យុបារាំងអន្តរជាតិRFIនៅពេលនេះ គឺលោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស។ កងរាជអាវុធហត្ថលើផ្ទៃប្រទេស បានធ្វើការប្រកាសពីលទ្ធផលនៃការស៊ើបអង្កេតទៅលើការប្រើហិង្សា នៅគ្រាចុះអនុវត្តន៍សាលដីកាលើទំនាស់ដីធ្លីមួយកន្លែងនៅខេត្តព្រះសីហនុកាលពីថ្ងៃទី២៤ខែមករាឆ្នាំ២០១៩។ ជាករណីហិង្សារវាងពលរដ្ឋនិងកម្លាំងប្រដាប់អាវុធបណ្តាលឲ្យមនុស្សរងរបួស។ ប៉ុន្តែករណីនេះ គឺមានមន្រ្តីPMចំនួន៥នាក់ត្រូវបានដាក់វិន័យរដ្ឋបាល និងPM ម្នាក់ព្រមទាំងទាហានម្នាក់ ត្រូវបានកសាងសំណុំរឿងបញ្ជួនទៅតុលាការ។ យ៉ាងនេះក្តី លោកឧត្តមសេនីយ៍ អេង ហ៊ី បានថ្លែងថា កងរាជអាវុធហត្ថ សុំទោសជាសាធារណៈ ករណីហិង្សានោះ។
