លោក នេត្រ ភក្ត្រា៖ «គុណភាពខ្យល់នៅកម្ពុជា មិនទាន់ឈានដល់កំរិតប៉ះពាល់សុខភាពសាធារណៈគួរឲ្យព្រួយបារម្ភនោះទេ»
ចុះផ្សាយនៅថ្ងៃ៖
ស្តាប់ - ១២:០៤
ក្រសួងបរិស្ថានបានឲ្យដឹងថាកំរិតភាគល្អិតនិចលនៅក្នុងខ្យល់ PM2.5 មានការកើនឡើងគួរឲ្យកត់សម្គាល់នៅក្នុងរយៈពេលប៉ុន្មានថ្ងៃនេះ ដែលចំណុចនេះក្រសួងបរិស្ថានកម្ពុជាកំពុងតែធ្វើការតាមដានយ៉ាងយកចិត្តទុកដាក់។ ជាមួយគ្នានេះ កំរិតកើនឡើងនៃគុណភាពខ្យល់នៅពេលនេះ ក៏បានធ្វើឲ្យមានការព្រួយបារម្ភផងដែរពីមហាជន ដោយសារមានការយល់ថាកំរិតភាគល្អិត PM2.5 ពេលនេះ ដល់កំរិតដែលធ្វើឲ្យប៉ះពាល់ដល់សុខភាព។ ទោះយ៉ាងណា លោក នេត្រ ភក្ត្រា អ្នកនាំពាក្យក្រសួងបរិស្ថានបញ្ជាក់ថា ព័ត៌មានទាំងឡាយណា ក្រៅពីក្រសួងបរិស្ថាន គឺមិនមែនជាព័ត៌មានផ្លូវការទេ។ តាមលោក នេត្រ ភក្ត្រា គុណភាពខ្យល់ពេលនេះ មិនទាន់ឈានដល់ចំណុចគ្រោះថ្នាក់ដល់សុខភាពធ្ងន់ធ្ងរនោះទេ។
