ព្រឹត្តិការណ៍កម្ពុជាប្រចាំថ្ងៃ
សវនាការលោក កឹម សុខា៖ បញ្ហាតម្លាភាពត្រូវបានចោទសួរ ខណៈNGOនិងអ្នកកាសែតមិនអាចចូលស្តាប់បាន
ចុះផ្សាយនៅថ្ងៃ៖
ស្តាប់ - ១១:១៩
ថ្ងៃព្រហស្បតិ៍នេះ គឺជាថ្ងៃទីពីរហើយនៃសវនាការលើលោកកឹម សុខា ប្រធានអតីតគណបក្សសង្រ្គោះជាតិ។ កាលពីម្សិលមិញ តុលាការក្រុងភ្នំពេញ បានរងនូវការរិះគន់ចំពោះការមិនអនុញ្ញាតឱ្យសាធារណជន ជាពិសេស មន្រ្តីសិទ្ធិមនុស្ស និង អ្នកសារព័ត៌មានអាចចូលស្តាប់សវនាការបាន ដោយអនុញ្ញាតឱ្យតែមន្រ្តីស្ថានទូតបរទេសនិងភ្នាក់ងារអង្គការសហប្រជាជាតិប៉ុណ្ណោះ។ ខាងតុលាការបានអះអាងថា ការធ្វើដូច្នេះគឺដោយសារតែបន្ទប់សវនាការតូចដែលផ្ទុកបានត្រឹមតែ៣០នាក់។ ប៉ុន្តែ មន្រ្តីសិទ្ធិមនុស្សបានស្នើឱ្យតុលាការធ្វើយ៉ាងណាឱ្យសវនាការមានភាពទូលំទូលាយ ដើម្បីបង្ហាញពីតម្លាភាពនៃការកាត់ក្តីលើលោកកឹម សុខា។
