លោក យ៉ង គិមអេង៖ បក្សដែលឈ្នះមេឃុំ-ចៅសង្កាត់ ដូចឈ្នះបានមេដាយមាសអូឡាំពិក
ចុះផ្សាយនៅថ្ងៃ៖
ស្តាប់ - ១២:១៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក យ៉ង គិមអេង នាយកមជ្ឈមណ្ឌលប្រជាពលរដ្ឋដើម្បីសន្តិភាពនិងការអភិវឌ្ឍន៍ និងជាអ្នកនាំពាក្យបន្ទប់ស្ថានការណ៍សម្រាប់ឃ្លាំមើលការបោះឆ្នោត។ បន្ទប់ស្ថានការណ៍បោះឆ្នោតដែលជាបណ្ដុំអង្គការក្រៅរដ្ឋាភិបាលកម្ពុជាជាង៤០ បានវាយតម្លៃជាបឋមថា ការបោះឆ្នោតឃុំសង្កាត់អាណត្តិទី៤ ប្រព្រឹត្តទៅដោយរលូន និងដោយសន្តិវិធី។ ប៉ុន្តែ បន្ទប់ស្ថានការណ៍បានរកឃើញភាពមិនប្រក្រតីមួយចំនួនដែរនៅក្នុងថ្ងៃបោះឆ្នោត។ ក្រៅពីនេះបន្ទប់ស្ថានការណ៍សម្រាប់ការបោះឆ្នោតក៏បានបង្ហាញរបាយការណ៍បឋមថា គណបក្សប្រជាជនកម្ពុជាបានទទួលសំឡេងគាំទ្រជាង៤៨% ខណៈដែលគណបក្សសង្គ្រោះជាតិទទួលបានសំឡេងគាំទ្រជាង៤៥%។ ទន្ទឹមគ្នានេះ លោក យ៉ង គិមអេង បានចាត់ទុកលទ្ធផលនេះថា គណបក្សណាដែលឈ្នះតំណែងមេឃុំ-ចៅសង្កាត់ គឺប្រៀបដូចជាឈ្នះបានមេដាយមាសអូឡាំពិកអញ្ចឹងដែរ។
