លោក ជុំ សុន្ទរី៖ ស្ត្រីខ្មែរទៅរៀបការប្តីនៅប្រទេសចិនប្រឈមនឹងការបញ្ជូនត្រលប់មកកម្ពុជាច្រើន
ចុះផ្សាយនៅថ្ងៃ៖
ស្តាប់ - ១១:៣៩
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ជុំ សុន្ទរី អ្នកនាំពាក្យក្រសួងការបរទេសកម្ពុជា។ក្រសួងការបរទេសកម្ពុជា ទើបតែបានប្រកាសពីការជួយសង្គ្រោះជាតិស្ត្រីខ្មែរ០៣នាក់បន្ថែមទៀតនៅថ្ងៃទី១១និងទី១២កក្កដានេះ នឹងបានបញ្ជូនត្រលប់មកដល់ប្រទេសកម្ពុជាវិញដោយសុវត្ថិភាព។ លោក ជុំ សុន្ទរី បានបញ្ជាក់ថា ក្រសួងមានការពិបាកណាស់ ក្នុងការជួយអន្តរាគមន៍ចំពោះពលករ ឬពលរដ្ឋខ្មែរដែលធ្វើការនិងរកស៊ីខុសច្បាប់ ពិសេសគឺស្ត្រីខ្មែរដែលទៅរៀបការប្តីនៅប្រទេសចិន។ ប៉ុន្តែទោះជាយ៉ាងនេះក្តី ក្រសួងបានបន្តណែនាំ និងដាក់ចេញជាគោលការណ៍ជាបន្តបន្ទាប់ទៅដល់អគ្គកុងស៊ុល និងអគ្គរាជទូតកម្ពុជាប្រចាំនៅបណ្តាប្រទេសនានា បន្តជួយអន្តរាគមន៍ដល់ពលរដ្ឋខ្មែរដែលរងគ្រោះ។