បញ្ហាព្រំដែន កម្ពុជា-វៀតណាម ទំនងជៀសមិនផុតពីពឹងភាគីទី៣
ចុះផ្សាយនៅថ្ងៃ៖
ស្តាប់ - ០៨:១៦
លោកនាយករដ្ឋមន្រ្តី ហ៊ុន សែន កាលពីថ្ងៃទី៨ខែកញ្ញាកន្លងទៅ បានធ្វើសេចក្តីថ្លែងការណ៍ផ្ទាល់មាត់លើសំណុំរឿងព្រំដែនកម្ពុជា-វៀតណាម។ នៅក្នុងសេចក្តីថ្លែងការណ៍ជាង៣ម៉ោង ដោយមានការចាក់ផ្សាយនៅលើកញ្ចក់ទូរទស្សន៍ជាតិកម្ពុជា (ទទក)ផង លោកនាយករដ្ឋមន្រ្តីបានបន្តការគាំទ្រ ឲ្យគណៈកម្មការព្រំដែនកម្ពុជា បន្តការងារចរចារ បោះបង្គោលព្រំដែនដែលនៅសេសសល់ ជាមួយភាគីវៀតណាម។ ប៉ុន្តែថា លោកនាយករដ្ឋមន្រ្តីមិនបានបោះបង់ចោលលទ្ធភាពក្នុងការពឹងពាក់លើភាគីទី៣នោះទេ។ ការចូលរួមពីភាគីទី៣ គឺជាចំណុចចាប់ផ្តើមនៃការបង្ហាញពីតម្លាភាព និងភាពជឿជាក់របស់មហាជនខ្មែរលើការងារបោះបង្គោលព្រំដែន ជាមួយភាគីវៀតណាម ក្រោយបញ្ចប់ការផ្ទៀតផ្ទាត់ផែនទី២លើករួចមក។
