បក្សទាំងពីរចេញសេចក្តីថ្លែងការណ៍រួម ប៉ុន្តែមិននិយាយពីរឿងលោក សម រង្ស៊ី និងលោក កឹម សុខា
គណបក្សប្រជាជនកម្ពុជា និងគណបក្សសង្គ្រោះជាតិ នៅល្ងាចថ្ងៃទី១០ធ្នូនេះ បានចេញសេចក្តីថ្លែងការណ៍រួមមួយក្រោយជំនួបប្រមាណជិត១ម៉ោងនៅរដ្ឋសភា។ ជាជំនួបកម្រដែលធ្វើឡើងចំពេលដែលគណបក្សធំទាំងពីរនៅក្នុងសភាមានភាពតានតឹងបន្ទាប់ពីការដកតំណែងលោកកឹម សុខាចេញពីអនុប្រធានសភា ការដកអភ័យឯកសិទ្ធនិងផ្តន្ទាទោសលើលោកសម រង្ស៊ី រួមទាំងអំពើហិង្សាលើតំណាងរាស្ត្រ។ គណបក្សប្រជាជនកម្ពុជា ដឹកនាំដោយលោក ស ខេង លោក សក់ ស៊ីថា និងលោក កើត រិទ្ធ ដោយឡែកគណបក្សសង្គ្រោះជាតិដឹកនាំដោយ លោក កឹម សុខា លោក ប៉ុល ហំម និងលោកយឹម សុវណ្ណ។ ប៉ុន្តែជំនួបនេះ មិនបាននិយាយពីករណីលោក កឹម សុខា និងលោក សម រង្ស៊ីនោះទេ។ យ៉ាងណាក៏ដោយ គណបក្សទាំងពីរគ្រោងនឹងបង្កើនជំនួបឱ្យបានមួយខែម្តងដើម្បីពង្រឹងវប្បធម៌សន្ទនារវាងគណបក្សទាំងពីរ។ សូមស្តាប់ប្រសាសន៍លោក សក់ ស៊ីថា ដែលបាននិយាយពីសេចក្តីថ្លែងការរួមណ៍នៃកិច្ចប្រជុំ៖
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៣
