ការប្រើបច្ចេកវិទ្យាព័ត៌មាន មានប្រសិទ្ធភាពខ្ពស់ តែគួរត្រូវបានអនុវត្តឲ្យបានច្រើនផ្នែក
ចុះផ្សាយនៅថ្ងៃ៖
ស្តាប់ - ១០:០៦
យុទ្ធនាការប្រយុទ្ធប្រឆាំងអំពើពុករលួយរបស់រដ្ឋាភិបាល ដែលបានធ្វើការប្តេជ្ញាចិត្តខ្ពស់នៅក្នុងអាណត្តិទី៥នេះ ត្រូវគេបង្ហាញថាមានផ្លែផ្កាជាបណ្តើរៗហើយ។ ប្រមុខរដ្ឋាភិបាលខ្មែរនៅក្នុងពិធី ប្រគល់សញ្ញាបត្រ ដល់គ្រូៗជាច្រើនរូបដែលបានបញ្ចប់ការសិក្សាគរុកោសល្យនៅវិទ្យាស្ថាន ជាតិអប់រំកាលពីព្រឹកថ្ងៃទី៩ មីនាម្សិលមិញ ក៏បានសម្តែងនូវមោទនភាពនូវជោគជ័យ នៃការកាត់បន្ថយអំពើពុករលួយនៅក្នុងការរៀបចំបើកប្រាក់បៀវត្សរ៍ជូនមន្ត្រីរាជការនិងតម្រូវឲ្យមានការបង់ពន្ធតាមប្រព័ន្ធបច្ចេកវិទ្យាព័ត៌មាន។ ក៏ប៉ុន្តែនៅមានរូបភាពជាច្រើនទៀត ដែលមិនអាចទូទាត់បានតាមប្រព័ន្ធបច្ចេកវិជ្ជាព័ត៌មាន និងមានការលំបាកក្នុងការលុបបំបាត់នូវអំពើពុករលួយ, នេះបើតាមសង្គមស៊ីវិល។