សង្គមស៊ីវិល៖ ដល់ពេលដែលអាជ្ញាធរខ្មែរត្រូវអនុវត្តច្បាប់ឲ្យបានតឹងរ៉ឹងលើជនជាតិចិននៅកម្ពុជា
ចុះផ្សាយនៅថ្ងៃ៖
ស្តាប់ - ១០:៣១
ថ្មីៗនេះ បទល្មើសធំៗត្រូវបានបង្កដោយឡើងដោយជនជាតិចិនដែលមកស្នាក់នៅក្នុងប្រទេសកម្ពុជា។ ការចែកខិតប័ណ្ណរកស៊ីផ្លូវភេទនៅកំពង់សោម ការនាំចូលគ្រឿងញៀនរាប់សិបគីឡូក្រាមមកកាន់កម្ពុជា ការប្រើប្រាស់រថយន្តស្លាកលេខ ខ.ម បង្កគ្រោះថ្នាក់ចរាចរណ៍ និងការវាយតប់មកលើជនជាតិខ្មែរ សុទ្ធសឹងតែជាបញ្ហារសើបធ្វើឲ្យកក្រើកបណ្តាញសង្គមនាពេលប៉ុន្មានថ្ងៃនេះ។ ប្រឈមនឹងបញ្ហានេះ សង្គមស៊ីវិលនៅកម្ពុជាបានជំរុញឲ្យអាជ្ញាធរខ្មែរត្រូវតែអនុវត្តច្បាប់ឲ្យបានកាន់តែតឹងរ៉ឹងចំពោះជនជាតិចិននៅកម្ពុជា។ ពួកគេ បានអះអាងថា អាជ្ញាធរកម្ពុជាមិនអាចបណ្តែតបណ្តោយទៀតបានទេចំពោះបញ្ហានេះ។