សេចក្តីថ្លែងការណ៍ទាក់ទងទៅនឹងជនជាតិរ៉ូហ៊ីងយ៉ា កំពុងធ្វើឲ្យកិច្ចប្រជុំ APPF នៅសៀមរាបតានតឹង
កិច្ចប្រជុំចំនួនពីរស្តីពីបញ្ហាសន្តិសុខ នយោបាយ និងពាណិជ្ជកម្ម ត្រូវបានធ្វើឡើងហើយ នៅព្រឹកថ្ងៃពុធនេះ នៅខេត្តសៀមរាប តាមរយៈវេទិកាសភាអាស៊ី-ប៉ាស៊ីហ្វិក(APPF) លើកទី២៧។ ទាក់ទងទៅនឹងបញ្ហាសន្តិសុខ និងនយោបាយ គណៈប្រតិភូរដ្ឋសភានៃប្រទេសដែលបានចូលរួម បានធ្វើសេចក្តីថ្លែងការណ៍ជាបន្តបន្ទាប់។ ក៏ប៉ុន្តែ អ្វីដែលជាការចាប់អារម្មណ៍នោះ គឺសេចក្តីថ្លែងការណ៍ទាក់ទងទៅនឹងជនជាតិរ៉ូហ៊ីងយ៉ា ក្នុងរដ្ឋរ៉ាក់ឃីង នៃប្រទេសភូមា ដែលនេះជាបញ្ហាក្តៅគគុក។ លោក ឈាង វុន អ្នកនាំពាក្យរដ្ឋសភាកម្ពុជា បានថ្លែងប្រាប់អ្នកកាសែតថា ការព្រាងសេចក្តីសម្រេចរបស់ប្រទេសកាណាដា ឥណ្ឌូនេស៊ី ម៉ាឡេស៊ី ជាដើម កម្ពុជាមានការលំបាកខ្លះ ដោយសារនៅក្នុងលក្ខន្តិកៈអាស៊ាន គឺហាមមិនឲ្យមានការជ្រៀតជ្រែកកិច្ចការផ្ទៃក្នុងរវាងសមាជិកឡើយ។ លោកថា កម្ពុជា ដែលដឹកនាំដោយលោក ហ៊ុន ម៉ានី ដឹកនាំអនុគណៈកម្មការខ្លឹមសារ ពាក់ព័ន្ធនឹងនយោបាយ និងសន្តិសុខនេះ មានភារៈកិច្ចសម្របសម្រួលបញ្ហាទាំងអស់នេះឲ្យរលូន ដើម្បីរកកុងសង់ស៊ីស ឬក៏ទំលាក់ចោល ឬរុញទៅកិច្ចប្រជុំឆ្នាំក្រោយ។
ចុះផ្សាយនៅថ្ងៃ៖
សូមស្តាប់ប្រសាសន៍ លោក ឈាង វុន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ