ព្រឹត្តិការណ៍កម្ពុជាប្រចាំថ្ងៃ
ក្រសួងអប់រំដាក់ឲ្យសាកល្បងនៅសាលាបឋមសិក្សាចំនួន៣ ចំពោះការប្តូរម៉ោងបង្រៀនពីមួយពេលទៅបង្រៀនពេញមួយថ្ងៃ
ចុះផ្សាយនៅថ្ងៃ៖
ស្តាប់ - ១១:៣៣
ក្រសួងអប់រំ យុវជន និងកីឡា គ្រោងនឹងដាក់ឲ្យសាកល្បងចំពោះការផ្លាស់ប្តូរម៉ោងបង្រៀនរបស់លោកគ្រូអ្នកគ្រូនៅថ្នាក់បឋមសិក្សា ពីការបង្រៀនមួយពេល ទៅជាការបង្រៀនពេញមួយថ្ងៃវិញ ដោយបន្ថែមប្រាក់ខែដល់គ្រូបង្រៀនប្រមាណជា៦០%។ ការសាកល្បងដំបូង នឹងធ្វើឡើងនៅសាលាបឋមសិក្សាចំនួន៣ ស្ថិតនៅក្នុងខេត្តសៀមរាប និងខេត្តកំពង់ចាម។ ការណ៍នេះ គឺដើម្បីឆ្លើយតបទៅនឹងរបាយការណ៍ថា សិស្សថ្នាក់ទី៦ប្រមាណជា៣០ទៅ៤០% មិនទាន់ចេះអានភាសាខ្មែរត្រឹមត្រូវនៅឡើយ។ អ្នកឃ្លាំមើលក្នុងវិស័យអប់រំកម្ពុជា បានសារទរចំពោះវិធានការថ្មីនេះ និងមានជំនឿថា វិធានការនេះ នឹងជួយស្តារស្ថានការណ៍នេះបានវិញ។
