លោកស្រី អាន វីរៈ៖ ក្រុមប្រឹក្សាអាជ្ញាកណ្តាលនៅសំខាន់ ទោះមានតុលាការការងារ
ចុះផ្សាយនៅថ្ងៃ៖
ស្តាប់ - ១១:៤៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោកស្រី អាន វីរៈ ប្រធានផ្នែកបណ្តុះបណ្តាលនិងទំនាក់ទំនងនៃមូលនិធិក្រុមប្រឹក្សា អាជ្ញាកណ្តាល។ នៅក្នុងឱកាសបើកសន្និសីទថ្នាក់ជាតិ ស្តីពី ទំនាក់ទំនងវិជ្ជាជីវៈលើកទី៧ ស្តីពី៖ “ភាពចាស់ទុំ និងការប្តេជ្ញាដើម្បីរីកចម្រើន” កាលពីព្រឹកថ្ងៃទី៥កក្កដា លោក អ៊ិត សំហេង រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ បានបញ្ជាក់ថា កម្ពុជានឹងបញ្ចប់សេចក្តីព្រាងច្បាប់ ស្តីពី នីតិវិធីក្នុងការបង្កើតតុលាការការងារនៅឆ្នាំ ២០១៧។
គេរំពឹងថា តាមរយៈតុលាការនេះ នឹងជួយដោះស្រាយវិវាទការងារ ឲ្យកាន់តែមានប្រសិទ្ធខ្ពស់ និងកាត់បន្ថយករណីកូដកម្មខុសច្បាប់ផងដែរ។ យ៉ាងនេះក្តី អ្នកស្រី អាន វីរៈ បានលើកឡើងថា ក្រុមប្រឹក្សាអាជ្ញាកណ្តាលនៅតែដើរតួនាទីសំខាន់ ក្នុងការសម្របសម្រួលវិវាទការងារនៅកម្ពុជា។ វិវាទការងារដែលបានថយចុះពី ៣៦១ករណីនៅឆ្នាំ២០១៤ មកនៅត្រឹម៣៣៨ករណីនៅឆ្នាំ២០១៥៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ