បទយកការណ៍
វ៉ាយ វិបុល៖ ខ្ញុំបានយកព្រះពុទ្ធធ្វើជាបន្ទាល់...ហើយបានឃើញច្បាស់
ចុះផ្សាយនៅថ្ងៃ៖
ស្តាប់ - ០៩:៤៨
លោកវ៉ាយ វិបុល គឺជាគ្រូទាយម្នាក់ ប៉ុន្តែពីមុន គាត់មិនអាចព្យាករណ៍បានទេ អំពីវាសនានៃវិទ្យាស្ថានពុទ្ធសាសនបណ្ឌិតបច្ចុប្បន្ន ពេលគាត់បានឃើញមណ្ឌលកម្សាន្តលោកីយ៍ណាហ្គាវើល ដ៍ធំនៅជាប់នោះ ធ្វើឱ្យបាក់ក្លោងទ្វារ«ផ្ទះ»របស់គាត់។ ដោយធ្លាប់បានបួសជាសង្ឃពុទ្ធសាសនានៅអាយុ១៦ឆ្នាំ ភ្លាមៗក្រោយរបបខ្មែរក្រហមរលំទៅ ហោរដែលជាទីប្រឹក្សាក្រសួងធម្មការ និងកិច្ចការសាសនានោះ បានយកព្រះពុទ្ធធ្វើជាបន្ទាល់ ក្នុងការបួងសួងសុំឱ្យទេវតាជួយការពារជម្រកវប្បធម៌ខ្មែរមួយដុំនេះ។
