ចម្លាក់ស្បែកបានផ្តល់ចំណូលប្រចាំថ្ងៃដល់ក្មេងកំព្រាជាច្រើននៅក្នុងអង្គការមួយក្នុងខេត្តសៀមរាប
ចុះផ្សាយនៅថ្ងៃ៖
ស្តាប់ - ០៨:៥៧
ក្រៅពីខេត្តសៀមរាប គេកម្រប្រទះឃើញចម្លាក់ស្បែកមាននៅក្នុងខេត្តដទៃទៀតឡើយ។ ហើយកន្លែងដែលធ្វើចម្លាក់ស្បែកនេះច្រើនជាងគេនៅក្នុងខេត្តសៀមរាប គឺតាមផ្លូវចូលទៅប្រាសាទបាគង និងនៅខាងមុខប្រាសាទព្រះគោផ្ទាល់តែម្តង។ ក្មេងកំព្រាជាច្រើននាក់ដែលស្នាក់នៅក្នុងអង្គការ Little Angel ដែលមានទីតាំងនៅខាងមុខប្រាសាទព្រះគោផ្ទាល់ បាននាំគ្នាដាប់ស្បែកគោទាំងផ្ទាំងៗ ដើម្បីធ្វើចម្លាក់ស្បែក សម្រាប់លក់ឲ្យភ្ញៀវទេសចរណ៍ ដែលភាគច្រើនជាភ្ញៀវបរទេស។ ចម្លាក់ស្បែកដែលក្មេងៗ ដាប់នោះមានទំហំតូចចាប់ពី ២តឹក និងធំបន្តបន្ទាប់ រហូតដល់២ម៉ែត្រក៏មានដែរ។ ប្រាក់ ធីតា បានទៅដល់ទីនោះផ្ទាល់ ហើយជួបសម្ភាសន៍ជាមួយនឹងក្មេង ដែលកំពុងតែអង្គុយដាប់ស្បែកគោនៅខាងក្រោយផ្ទះខ្មែរបុរាណមួយ នៅជិតប្រសាទបាគង។