ពលរដ្ឋខ្លះ ផ្តើមរអ៊ូពីតម្លៃទំនិញនៅតែថ្លៃខ្ពស់ បើទោះបីតម្លៃសាំងចុះទាបបន្តិចក្តី
ចុះផ្សាយនៅថ្ងៃ៖
ស្តាប់ - ០៨:០០
ពីមុនប្រជាពលរដ្ឋខ្មែរ ជាពិសេសអ្នកប្រើប្រាស់ផ្លូវតែងតែបានត្អូញត្អែរពីតម្លៃប្រេងឥន្ធនៈដែលមានកម្រិតខ្ពស់ បើទោះបីតម្លៃលើទីផ្សារអន្តរជាតិចុះទាបក្តី។ កាលណោះ តម្លៃទំនិញក៏មានកម្រិតខ្ពស់ដែរ ដោយហេតុថា តម្លៃប្រេងឥន្ធនៈខ្ពស់។ ក៏ប៉ុន្តែមកដល់ពេលនេះ នៅពេលដែលតម្លៃប្រេងឥន្ធនៈបានចុះទាបជាងមុនក៏ដោយ ប៉ុន្តែតម្លៃទំនិញបែរជាមិនព្រមចុះទាបតាមប្រេងឥន្ធនៈទាល់តែសោះ។ ពេលឡើងថ្លៃឡើងជាមួយគ្នា តែពេលចុះថ្លៃបែរជាក្បត់គ្នាទៅវិញ។ នេះធ្វើឲ្យពលរដ្ឋ ជាពិសេសស្ត្រីមេផ្ទះខ្លះបានរអ៊ូរទាំតៗគ្នា ហើយបារម្ភថា ប្រសិនបើពេលណាមួយ តម្លៃប្រេងឥន្ធនៈនៅកម្ពុជាឡើងថ្លៃខ្ពស់វិញនោះ តម្លៃទំនិញប្រាកដជាឡើងខ្ពស់ជាងពេលនេះទៅទៀត។