សៀវភៅរឿងចករសាត់កាត់ព្យុះ កម្ពុជា ដែលនិយាយពីជីវប្រវត្តិរបស់សហគ្រិនខ្មែរម្នាក់ គឺលោកហៃ លីអ៊ាងបានទៅបង្ហាញមុខនៅប្រទេសបារាំង។ នៅថ្ងៃសុក្រនេះ នៅទីក្រុងប៉ារីស សៀវភៅដែលនិយាយពីបទពិសោធន៍របស់លោកហៃ លីអ៊ាង ប្រធាន និងស្ថាបនិកក្រុមហ៊ុនផលិតថ្នាំPPM និងក្រុមហ៊ុនខុងហ្វីរ៉ែល ស្ថិតក្នុងចំណោមសៀវភៅមួយចំនួន ដែលគ្រឹះស្ថានបោះពុម្ពផ្សាយបារាំង ឈ្មោះMagellan & Cie តាំងបង្ហាញ នៅក្នុងឱកាសជួប និងចុះហត្ថលេខារបស់អ្នកនិពន្ធ។
