លោកញឹក ប៊ុនឆៃ៖ ហ្វ៊ុនស៊ិនប៉ិច នឹងប្តូឡូហ្គោថ្មីដោយមិនមានរូបសម្តេចក្រុមព្រះ និងវិមានឯករាជ្យ
ចុះផ្សាយនៅថ្ងៃ៖
ស្តាប់ - ១១:៣៣
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក ញឹក ប៊ុនឆៃ។ លោក ញឹក ប៊ុនឆៃ ដែលទើបតែ ត្រូវបានអង្គសមាជគណបក្សហ្វ៊ុនស៊ិនប៉ិច ជ្រើសតាំងជាអនុប្រធានទី២ នៃគណបក្សហ្វ៊ុនស៊ិនប៉ិច នៅថ្ងៃ ទី១៩មករានេះ។ លោក ញឹក ប៊ុនឆៃ បានឆ្លើយនឹងសំណួររបស់វិទ្យុបារាំងអន្តរជាតិថា សមាជរបស់គណបក្សហ្វ៊ុនស៊ិនប៉ិច កាលពីព្រឹកម៉ិញ គ្រាន់តែជាការចាប់ផ្តើម ក្នុងការថ្វាយព្រះឋានៈ ដល់សម្តេចក្រុមព្រះ នរោត្តម រណឬទ្ធិ ជាព្រះប្រធានគណបក្សហ្វ៊ុនស៊ិនប៉ិច និងក្បាលម៉ាស៊ីនដឹកនាំប៉ុណ្ណោះ។ ចំណែកឯរចនាសម្ព័ន្ធដឹកនាំផ្សេងទៀត នឹងត្រូវប្រកាសនៅក្នុងអង្គសមាជផ្សេងមួយទៀត ដែលគេគ្រោងនឹងធ្វើនៅពេលក្រោយ។ ជាសមាជ ដែលនឹងដាក់ចេញនូវគោលនយោបាយរបស់គណបក្ស, រចនាសម្ព័ន្ធដឹកនាំថ្នាក់កណ្តាលនិងថ្នាក់ក្រោម រួមទាំងការរៀបចំផ្លាស់ប្តូរនិមិត្តសញ្ញាថ្មីរបស់គណបក្សជាដើម។ ជានិមិត្តសញ្ញា ដែលនឹងមិនមានព្រះឆាយាល័ក្ខណ៍សម្តេចក្រុមព្រះ នរោត្តម រណឬទ្ធិ និង វិមានឯករាជ្យនោះទេ។
