លោក ចាន់ សុវ៉េត ទទួលមរណភាពចំថ្ងៃទិវាសិទ្ធិមនុស្ស
លោក ចាន់ សុវ៉េត អ្នកស៊ើបអង្កេតរបស់សមាគមការពារសិទ្ធិមនុស្សអាដហុកដ៏ល្បីល្បាញបានទទួលមរណភាពហើយនៅវេលាម៉ោងជាង២និង៤០នាទីរសៀលថ្ងៃ១០ធ្នូនេះ ដោយសារជំងឺគាំងបេះដូង។ លោកចាន់ សុវ៉េត បានទទួលមរណភាពចំថ្ងៃប្រារព្ធទិវាសិទ្ធិមនុស្សអន្តរជាតិ១០ធ្នូ ដែលលោកបានចូលរួមនៅព្រឹកមិញនេះ។
ចុះផ្សាយនៅថ្ងៃ៖
លោក នី ចរិយា មន្ត្រីសមាគមអាដហុកបានប្រាប់វិទ្យុបារាំងអន្តរជាតិថា បន្ទាប់ពីវិលត្រឡប់ពីការចូលរួមទិវាសិទ្ធិមនុស្សអន្តរជាតិវិញ លោក ចាន់ សុវ៉េត មានអាការៈមិនសូវស្រួលខ្លួន។ ក្រោយពីភរិយារបស់លោកបានកោសខ្យល់ជូនរួចមក លោកក៏បានសន្លប់បាត់ស្មារតីរហូតបាត់បង់ជីវិតតែម្តង។
លោក ចាន់ សាវ៉េត អាយុ ៥១ឆ្នាំ បានចូលបម្រើការងារជាអ្នកការពារសិទ្ធិមនុស្សជាមួយអង្គការអាដហុកកាលពីឆ្នាំ ១៩៩៦ ។ លោកមានកូន ៣នាក់។ ក្នុងអំឡុងពេលបម្រើការងារជាអ្នកស៊ើបអង្កេតខាងសិទ្ធិមនុស្ស លោក ចាន់ សុវ៉េត ត្រូវបានគេចាត់ទុកជាសកម្មជនដ៏ល្បីល្បាញម្នាក់ដែលធ្វើការមិនខ្លាចនឿយហត់។
លោកធ្លាប់បានចូលរួមស៊ើបអង្កេត តាមដាននិងអន្តរាគមន៍ដោះស្រាយបញ្ហាធំៗជាច្រើន។ លោកក៏ធ្លាប់បានទទួលរងការចោទប្រកាន់ពីតុលាការផងដែរ។ សពរបស់លោក ចាន់ សុវ៉េត ត្រូវបានដឹកទៅតម្កល់នៅឯវត្តគល់ទទឹងក្នុងសង្កាត់ព្រែកប្រា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ