«អាគារស» នៅក្នុងរាជធានីភ្នំពេញ ត្រូវបានចាត់ទុកថា ផ្ទុកលើសចំណុះ។ «ប៊ុលឌិញ» ដែលត្រូវបានដាក់សម្ពោធឱ្យប្រើប្រាស់នៅឆ្នាំ១៩៦៣ មានប្រជាពលរដ្ឋប្រហែល៧០០គ្រួសាររស់នៅក្នុងផ្ទះដែលមានតែ៤៦៨ល្វែងប៉ុណ្ណោះ។ ដោយកត់សម្គាល់ឃើញកង្វះការថែទាំ លោក ប៉ា សុជាតិវង្ស អភិបាលរាជធានីភ្នំពេញ និងលោក សៀ ភារម្យ នាយកលេខាធិការដ្ឋានក្រុមការងារពិសេសទទួលបន្ទុកផ្នែកសិទ្ធិលំនៅដ្ឋាន ខ្លាចអាគារដ៏ចំណាស់នេះ បាក់ស្រុតនៅថ្ងៃណាមួយ ហើយបង្កគ្រោះថ្នាក់ដល់ប្រជាពលរដ្ឋ។ ប៉ុន្តែ ចំពោះពលរដ្ឋម្នាក់នៅក្នុងអាគារនោះ ផ្ទះគាត់ស្ទើរតែនៅថ្មីដូចដើម។
