លោក កឹម សុខា៖ «គណបក្សសង្គ្រោះជាតិ មានរូបមន្ត សម្រាប់ថ្ងៃចរចារជាមួយបក្សប្រជាជន»
ចុះផ្សាយនៅថ្ងៃ៖
ស្តាប់ - ១១:៣៥
ភ្ញៀវប្រចាំថ្ងៃ របស់វិទ្យុបារាំងអន្តរជាតិRFI នៅថ្ងៃពុធទី៩ កក្កដានេះ គឺលោក កឹម សុខា ប្រធានស្តីទីគណបក្សសង្គ្រោះជាតិ។ នៅចំពោះមុខ នៃស្ថានការណ៍នយោបាយជាប់គាំងនេះ លោកកឹម សុខា បានអះអាងថា ខ្លួនមានរូបមន្តមួយចំនួន ដើម្បីដាក់លើតុមួយគណបក្សប្រជាជនកម្ពុជា ដើម្បីចរចាបិទបញ្ចប់ជម្លោះនយោបាយ ដែលអូសបន្លាយ ជិតរយៈពេលមួយឆ្នាំមកហើយ។ ហើយរូបមន្តនោះទៀតសោត គឺដើម្បីឲ្យគ.ជ.បឯករាជ្យ។ លោក កឹម សុខា ក៏បានទាត់ចោលរូបមន្ត ដែលស្នើដោយតំណាងគណបក្សប្រជាជនកម្ពុជា លោក ឈាង វុន ហើយចោទរូបមន្ត ដែលជ្រើសក្បាលម៉ាស៊ីនគ.ជ.បតាមក្បួនសមាមាត្រនោះ ថាមិនអាចទទួលយកបានទេ និងអាក្រក់ធ្ងន់ធ្ងរថែមទៀតផង។