លោកជាតិ ខេមរា៖ កម្មករនិយោជិតទទួលបានប្រាក់អត្ថប្រយោជន៍ផ្សេងទៀត ក្រៅពីប្រាក់ឈ្នួលអប្បបរមាដែលត្រូវតម្លើងឲ្យបាន៩៥ដុល្លារ នៅឆ្នាំ២០១៤
ចុះផ្សាយនៅថ្ងៃ៖
ស្តាប់ - ១២:៥៣
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ RFIនៅថ្ងៃអង្គារ ទី២៤ធ្នូនេះ គឺលោកជាតិ ខេមរា មន្ដ្រីផ្នែកដោះស្រាយវិវាទសមាគមថៅកែរោងចក្រកាត់ដេរនៅកម្ពុជា។ ឆ្លើយតបនឹងសំណួររបស់វិទ្យុបារាំងអន្ដរជាតិ លោកជាតិ ខេមរា អះអាងថា ការតម្លើងប្រាក់ឈ្នួលអប្បបរមាកម្មកររោងចក្រកាត់ដេ ឲ្យបាន៩៥ដុល្លារ នៅឆ្នាំ២០១៤ខាងមុខនេះ គឺជាលទ្ធភាពដែលនិយោជកអាចផ្ដល់ជូនបាន។បើតាមលោកជាតិ ខេមរា កម្មករនិយោជិត មិនមែនទទួលបានប្រាក់ឈ្នួលអប្បបរមាតែមួយមុខទេ ជារៀងរាល់ខែ នៅមានប្រាក់អត្ថប្រយោជន៍ផ្សេងៗទៀត ដែលអាចឲ្យកម្មករនិយោជិត រស់នៅបានសមរម្យ។ តំណាងសមាគមថៅកែរោងចក្រកាត់ដេរនៅកម្ពុជារូបនេះ សំណូមពរឲ្យកម្មករនិយោជិត ពង្រឹងផលិតភាពការងាររបស់ខ្លួន ហើយត្រូវគោរពលក្ខខណ្ឌការងារ និងត្រូវធានានូវស្ថិរភាពចង្វាក់ផលិតកម្មឲ្យប្រព្រឹត្តទៅបានរលូនល្អ។