រដូវធ្វើចំការនិងបន្លែបានចូលមកដល់ជាច្រើនថ្ងៃមកហើយនៅឯដែនដីដ៏មានជីជាតិភូមិកោះប្រាក់ស្រុកកៀនស្វាយ ខេត្តកណ្តាល។ ប៉ុន្តែកសិករមិនអាចប្រកបរបរកសិកម្មរបស់ខ្លួនដូចតាមទម្លាប់ជារៀងរាល់ឆ្នាំបានទេនៅឆ្នាំនេះ ដោយហេតុទឹកជំនន់មានសភាពធ្ងន់ធ្ងរ និងលិចផ្ទៃដីដាំដំណាំទាំងអស់។ កសិករមានការព្រួយបារម្ភថាពួកគេនឹងជួបប្រទះបញ្ហាជីវភាពប្រសិនបើទឹកស្រកទៅវិញមិនបានលឿន។
