ការបង់ពន្ធទៅលើអចលនទ្រព្យ ជាពិសេសទៅលើដីធ្លី និងផ្ទះសម្បែង ត្រូវបានគេរៀបចំធ្វើឡើងជាលើកដំបូងនៅប្រទេសកម្ពុជា តាំងពីដើមខែកញ្ញាឆ្នាំ២០១១ និងត្រូវបញ្ចប់នៅថ្ងៃសុក្រទី ៣០កញ្ញា ឆ្នាំ ២០១១។ ប៉ុន្តែដោយសារការបង់ពន្ធនេះជាប្រធានបទមួយថ្មី ប្រជាពលរដ្ឋទូទៅមានការយល់ដឹងតិចតួចលើបែបបទនៃការគណនា និងតម្លៃ អចលនទ្រព្យដែលត្រូវបង់ពន្ធ។ មើលឃើញនូវការយឺតយ៉ាវក្នុងការបង់ពន្ធ និងការយល់ដឹងតិចតួចរបស់ប្រជាជន ក្រសួងសេដ្ឋកិច្ចនិងហិរញ្ញវត្ថុបានសម្រេចពន្យារពេលនៃការបង់ពន្ធលើអចលនទ្រព្យ រហូតដល់ថ្ងៃទី៣០ខែវិច្ឆិកា ឆ្នាំ២០១១។
