វិទ្យាស្ថានសាធារណរដ្ឋអន្តរជាតិ IRI ជំរុញឲ្យពលរដ្ឋខ្មែរទៅចុះឈ្មោះបោះឆ្នោត
វិទ្យាស្ថានសាធារណរដ្ឋអន្តរជាតិ IRI ក្រោមជំនួយពីទីភ្នាក់ងារសហរដ្ឋអាមេរិក USAID បានបើកយុទ្ធនាការបង្កើនការយល់ដឹងពីកាតព្វកិច្ចពលរដ្ឋដើម្បីជំរុញ និងក្រើនរំលឹកយុវជនឲ្យទៅចូលរួមពិនិត្យបញ្ជីឈ្មោះបោះឆ្នោត និងចុះឈ្មោះបោះឆ្នោត។ ការប្រកួតផ្ញើសារជាអក្សរ SMS តាមទូរស័ព្ទដៃ បានបើកធ្វើនៅព្រឹកថ្ងៃទី១០ កញ្ញា ឆ្នាំ២០១១នេះ នៅសណ្ឋាគារ សាន់វ៉េ ក្រុងភ្នំពេញ។ និស្សិត មកពីសកលវិទ្យាល័យនានា ក្នុងរាជធានីភ្នំពេញ ប្រមាណជាង៣០០នាក់ បានចូលរួមការប្រកួតជាលើកទី១ នៅក្នុងប្រទេសកម្ពុជានេះ។
ចុះផ្សាយនៅថ្ងៃ៖ កែប្រែថ្ងៃទី៖
អ្នកចូលរួមត្រូវផ្ញើសារចេញទៅប្រជាពលរដ្ឋ មិត្តភ័ក្តិ អ្នកស្គាល់គ្នាក្នុងអត្ថន័យសាមញ្ញបំផុតដើម្បីឲ្យពួកគេទៅសាលាឃុំសង្កាត់ ដើម្បីពិនិត្យបញ្ជីឈ្មោះ និងទៅ ចុះឈ្មោះបោះឆ្នោត ឲ្យបានមុនថ្ងៃទី១៥ តុលា ឆ្នាំ២០១១។ រង្វាន់ជ័យលាភីសម្រាប់ការប្រកួត ជើងឯកផ្ញើសារតាមទូរស័ព្ទដៃនេះ អ្នកដែលទទួលបានចំណាត់ថ្នាក់លេខ១ នឹងទទួលបាន IPAD2 មួយគ្រឿង ចំណែកអ្នកទទួលបានជ័យលាភីលេខ២ និងលេខ៣ ទទួលបានទូរស័ព្ទដៃមួយគ្រឿង។ សូមបញ្ជាក់ថា ការពិនិត្យបញ្ជីឈ្មោះ និងចុះឈ្មោះបោះឆ្នោត ចាប់ពីថ្ងៃទី១កញ្ញា ដល់ថ្ងៃទី១៥ តុលា ឆ្នាំ២០១១៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ