បន្ទាប់ពីទទួលរងវិបត្តិសេដ្ឋកិច្ចសកលឆ្នាំ២០០៩រួចមក សេដ្ឋកិច្ចនៃប្រទេសកម្ពុជាបានងើបឡើងវិញសម្រាប់ឆ្នាំ២០១០ ឆ្នាំ២០១១និងឆ្នាំ២០១២ខាងមុខ។ សេដ្ឋកិច្ចមានកំណើនមែនប៉ុន្តែលោក គាត ឈន់ រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុបាននិយាយជាមួយការប្រយ័ត្នប្រយែងថា វាមានសភាពផុយស្រួយ។ ក្រៅពីប្រធានបទកំណើនសេដ្ឋកិច្ច លោក គាត ឈន់ លើកឡើងពីភាពចម្រូងចម្រាសរឿងយកពន្ធលើអចលនទ្រព្យ។
