ប្រវត្តិសាស្រ្តនៃរបបកម្ពុជាប្រជាធិបតេយ្យបានក្លាយជាមេរៀន សំខាន់សម្រាប់យុវជនខ្មែរជំនាន់ក្រោយ តែដើម្បីឲ្យយុវជនក្រោយឆ្នាំ១៩៧៩ទទួលបានមេរៀនប្រវត្តិសាស្រ្តមួយ ពិតប្រាកដ និងត្រឹមត្រូវគេទាមទារឲ្យមានការបង្រៀនមួយត្រឹមត្រូវដែរ។ ចាប់តំាងពីឆ្នាំ២០០៧ មកមជ្ឈមណ្ឌលឯកសារកម្ពុជា បានបណ្តុះបណ្តាលលោកគ្រូអ្នកគ្រូបានរាប់រយនាក់ មុននឹងឲ្យលោកគ្រូអ្នកគ្រូទំាងនោះចេញទៅបង្រៀនសិស្ស។ នៅពេលនេះ មជ្ឈមណ្ឌលដែលបានចងក្រងឯកសារនៃរបបខ្មែរក្រហមធំជាងគេ CD-cam កំពុងបណ្តុះបណ្តាលគ្រូបង្រៀនជិត២០០នាក់ក្នុងខេត្តកំពង់ចាម រយៈពេល៦ថ្ងៃ។ ជាការបណ្តុះបណ្តាលស្របពេលសវនាការបឋមលើមេដឹកនាំខ្មែរក្រហម នឹងបើកដំណើរការនៅថ្ងៃស្អែកនេះ។
