អ្នកភូមិបន្តលើកសំណើខណៈពេលអាជ្ញាធរផ្តើមចុះវាស់វែងដីតំបន់បឹងកក់
ចុះផ្សាយនៅថ្ងៃ៖
ស្តាប់ - ០៨:៥២
អនុគណៈកម្មការចម្រុះមួយក្រុម ដែលបង្កើតឡើងដោយអាជ្ញាធរក្រុងភ្នំពេញ ខណ្ឌដូនពេញ និងអាជ្ញាធរសង្កាត់ស្រះចក បានចាប់ផ្តើម ចុះវាស់វែងដីផ្ទះរបស់អ្នកភូមិ នៅតំបន់បឹងកក់កាលពីរសៀលថ្ងៃព្រហស្បតិ៍។ កិច្ចការនេះ ដើម្បីឈានដល់ការអភិវឌ្ឍន៍នៅនឹងកន្លែង ស្របតាមសំណើរបស់អ្នកភូមិបឹងកក់។ ក៏ប៉ុន្តែក្នុងពេលដំណាលគ្នានោះ ក្រុមអ្នកភូមិបឹងកក់ នៅតែបន្តលើកសំណើសុំការអភិវឌ្ឍន៍នៅនឹងកន្លែង ដោយមួយគ្រួសារទទួលបានផ្ទះផ្ទាល់ដីទំហំ ៤ គុណ ១៦ ម៉ែត្រ មានគ្រឹះរឹងមាំ និងមានប្លង់កម្មសិទ្ធិស្របច្បាប់។ អ្នកភូមិបឹងកក់ក៏បានជួបជុំបែរបន់ដល់អ្នកតាម្ចាស់ដី ដើម្បីបន្ទន់ចិត្តថ្នាក់ដឹកនាំឲ្យយល់ស្របតាមសំណើរបស់ពួកគេ។
