បទយកការណ៍
ប្រតិកម្មជុំវិញការបើកទីលានប្រជាធិបតេយ្យសម្រាប់ធ្វើបាតុកម្ម
ចុះផ្សាយនៅថ្ងៃ៖
ស្តាប់ - ០៧:៤៩
ទីលានប្រជាធិបតេយ្យ ឬ សួនសេរីភាពដែលតម្រូវឲ្យមហាជនប្រមូលផ្តុំធ្វើបាតុកម្មតវ៉ាជាលើក ដំបូងនៅទីក្រុងភ្នំពេញបានបើកសម្ពោធកាលពីថ្ងៃទី៤វិច្ឆិកា។ អាជ្ញាធរសមត្ថកិច្ចបានចាត់ទុកទីលានធ្វើបាតុកម្មនោះ ថាជាកន្លែងសមរម្យសម្រាប់ក្រុមអ្នកតវ៉ាឈរលើកបដា ជំនួសឲ្យការដើរហែក្បួនតាមដងផ្លូវ។ក៏ប៉ុន្តែសម្រាប់តំណាងអង្គការ សង្គមស៊ីវិលនិងគណបក្សប្រឆាំងវិញយល់ផ្ទុយពីនេះ។ ពួកគេយល់ថា ការបង្កើតទីលានបាតុកម្មជាការដាក់កំហិតដែនកំណត់សេរីភាពបញ្ចេញមតិ ហើយការតវ៉ានោះនឹងពុំត្រូវបានគេអើពើយកទៅដោះស្រាយទេ ដោយសារតែកន្លែងប្រមូលផ្តុំធ្វើបាតុកម្មស្ថិតនៅឆ្ងាយពីស្ថាប័នជាតិ។
