ពិធីបុណ្យភ្ជុំបិណ្ឌ ជាឱកាសជួបជុំគ្នាក្នុងសង្គមគ្រួសារខ្មែរ
ចុះផ្សាយនៅថ្ងៃ៖
ស្តាប់ - ០៨:២១
រយៈពេលកាន់បិណ្ឌ១៤ថ្ងៃបានបញ្ចប់ហើយ ថ្ងៃនេះជាថ្ងៃបិណ្ឌធំ ឮជាថ្ងៃភ្ជុំ ជាថ្ងៃគម្រប់រយៈពេល ១៥ថ្ងៃនៃពិធីកាន់បិណ្ឌតាមទម្លាប់សាសនា។ មិនខុសពីឆ្នាំមុនៗនោះទេ ប្រជាពលរដ្ឋរស់នៅ ក្នុងទីក្រុងភ្នំពេញ អ្នកឃ្លាតឆ្ងាយស្រុកកំណើតមកប្រកបការងារផ្សេងៗក្នុងទីក្រុង បានចាកចេញពីទីក្រុង វិលទៅស្រុកកំណើតរៀងៗខ្លួន ដើម្បីចូលរួមពិធីបុណ្យភ្ជុំថ្ងៃនេះ។ ពិធីបុណ្យភ្ជុំបិណ្ឌ ជាឱកាសធ្វើបុណ្យ និងជួបជុំគ្នាក្នុងសង្គមគ្រួសារខ្មែរ។ ក្រៅពីនាំទេយ្យទានទៅប្រគេនព្រះសង្ឃតាមវត្តអារាម ប្រជាពលរដ្ឋនៅតាមភូមិស្រុកនានា បានបង្កើតកម្មវិធីសប្បាយផ្សេងៗតាមទម្លាប់តំបន់នីមួយៗ។ ប្រជាពលរដ្ឋមកពីខេត្តមួយចំនួនបានរៀបរាប់ ជុំវិញពិធីបុណ្យភ្ជុំបិណ្ឌ នៅឆ្នាំនេះ៕
